Zu bezalako pertsonen bila ari gara: berritzaileak, jakin-mina ez ezik anbizioa eta nahia ere badituztenak erronka berriei aurre egiteko; bezeroekin konektatzeko eta taldean lan egiteko gai direnak; dakitenarekin laguntzeko eta, aldi berean, ikasten jarraitzeko gogoa duten pertsonak.

CIDETECen, punta-puntako profesional-talde batekin garatu ahalko duzu karrera, giro gaztean eta konprometituan, berrikuntzan buru-belarri barneraturik eta mundu jasangarriago bat lortuko duten soluzio praktikoak emateko irrikaz.

Inguru pribilegiatuan gaude, Donostia hiri adiskidetsu eta ederreko teknologia-parkean; Donostiatik bertatik ez ezik, Gipuzkoako gainerako tokietatik ere erraz iristeko moduko lekuan. Era berean, gustuko dugu baldintzarik onenak eskaintzen dituzten eta kontziliazioa errazten duten lan-inguruneak sortzea, eta, horrexegatik, telelanean jarduteko aukera eskaintzen dugu hainbat inguruabarretan. Horretaz gainera, ikertzaile desplazatuen harrera errazten dugu, eta haien ostatua kudeatzen dugu Donostiako Talent Housean.

Zure zain gaude. Anima zaitez Cidetec-eko kide izatera!